30
декабрь
2021
ҚАМҚОРШЫЛЫҚ КЕҢЕС ОТЫРЫСЫ ӨТТІ
ҚАМҚОРШЫЛЫҚ КЕҢЕС ОТЫРЫСЫ ӨТТІ
№130 жалпы орта білім беретін мектебінде қамқоршылық кеңес отырысы өтті. Күн тәртібінде мектеп директоры Н.Б.Мырзатаевтың қамқоршылық кеңес мүшелері алдында І жартыжылдық есебі тыңдалды. Мектеп директоры өз есебінде оқу-тәрбие жұмыстары, мектеп оқушылары мен мұғалімдерінің жетістіктері, мектептегі бөлінген қаржының мақсатты игерілуі, әлеуметтік жағынан аз қамтамасыз етілген отбасынан шыққан білім алушыларға көрсетілген көмектер, мектептің материалдық жабдықталуына байланысты биылғы толықтырулар жайында айтылды.
Мектеп әкімшілігі мектеп жұмысын дамытуда дұрыс болжам жасап, ұжымды ортақ мүддеге тоғыстыра білу нәтижесінде, ұстаздардың алдында үлкен міндеттер тұрғанын жауапкершілікпен сезініп, оқу – тәрбие процесінде қазіргі талапқа сай жоғары нәтижеге жету жолында ізденіс пен еңбек етіп жатқандығын айтты.
Кеңес мүшелері мен ата-ана комитеті мүшелері мектеп директоры Нұрлан Бахадүрұлының есебіне «жақсы» деген оң шешімді көзқарастарын білдірді.
Есеп соңынан қамқоршылық кеңесінің төрағасы Айнабек Абдрашид мектептегі қамқоршылыққа алынған бүлдіршіндерге тәттілер ұсынып, балаларға мерекелік көңіл-күй сыйлады