«Тиімді әдіс-тәсіл - сапалы білім кепілі» тақырыбы аясында өткен қалалық семинарда математика пәнінен ашық сабақ

Шымкент қаласы білім басқармасына қарасты №130 жалпы орта білім беретін мектебінде 14.03.25 күні «Тиімді әдіс-тәсіл - сапалы білім кепілі» тақырыбы аясында өткен қалалық семинарда математика пәнінің мұғалімі Дайрабаева Дана Сериковна 9 "Ә" сынып оқушыларымен геометрия пәнінен "Үшбұрыштарды шешу" тақырыбында ашық сабақ өткізді. Мұғалім сабақ барысында «Біртұтас тәрбие» бағдарламасы аясында оқушылардың бойында  ұлттық жауапкершілікті қалыптастыру мақсатында әр түрлі оқу тапсырмаларын қолдануды жүзеге асырды. Мұғалім «Ат жарыс» әдісімен бағалау және «Асық ату» шығармашылық тасырмаларын ұйымдастыру арқылы  оқушылардың бойына құндылықтарды дарыта білді.  
      Өтілген сабақты еске түсіру мақсатында  «Жасырылған сұрақ» әдісі арқылы «Joyteka» цифрлық құралын пайдалана отырып, сабаққа қатысты формулаларды айтып ой тұжырым жасады. Оқушыларды бірлескен жұмыс жасауға дағдыландыру мақсатында «Қолданыстағы үшбұрыштар» әдісі бойынша  топтық жұмыс ұйымдастырды. Топтық жұмыс барысында олардың функционалдық сауаттылығын және шығармашылық жұмыс жасау дағдыларын қалыптастыруға арналған тапсырмалар көрініс тапты. Сонымен бірге, «Сызбалар сөйлейді» әдісі арқылы «Wordwall» цифрлық құралын пайдалана отырып жеке жұмыс жасатты. Ал, ерекше білім беруді қажет ететін оқушымен де өз деңгейіндегі қызықты тапсырмаларды беру арқылы жеке  жұмыс жасай білді. Мұғалім сабақты қорытындылай келе, топ бағалаушысының бағалауымен әр оқушының  сабақ барысында алған білімдерін «Ат жарыс» бағалауы бойынша нәтижесін жариялап, «Бағалау тақтасында»  көрсете отырып, әділ бағалау жүргізілді. Сабақтың соңында оқушылар сабақ бойынша алған әсерлерін «Padlet» тақтасы арқылы кері байланыс жасау арқылы өз ойларын керемет тұжырымдай білді.  
Сабақ соңында сабаққа қатысқан мұғалімдер өз ой-пікірлерін айта отырып, сабақты жоғары деңгейде өтілді деп бағалады.