ТӘУЕЛСІЗДІК - ТІРЕГІМ!

ТӘУЕЛСІЗДІК  - ТІРЕГІМ!

Қазақ елім!

Туды жастық дәуірің.

Алғандайсың жұлдызыңның жарығын.

Тәуелсіздік құтты болсын, қымбаттым,

Туған күнің құтты болсын, алыбым!

Тәуелсіздік - ең басты құндылығымыз. Тәуелсіздікке қантөгіссіз, бейбіт түрде қол жеткізгеннен кейін ғана елімізді әлемнің өркениетті мемлекеттерінің қатарына қоса алдық. 30 жыл ішінде тәуелсіз Қазақ елін қалыптастырып, ел болып еңсемізді көтердік.

Бүгін мектебімізде Тәуелсіздігіміздің 30 жылдық мерекесіне  арналған «Елімнің бақытын тербеткен Тәуелсіздік» атты мерекелік кеш  өтті. 

Салтанатты жиын  Қазақстан Республикасының Мемлекеттік Әнұранымен басталып, талантты оқушыларымыздың  тартулары, әуелеткен әсем ән мен күмбірлеген  күй,  мың бұралған биге ұласып, жиналған ққауымға мерекелік көңіл-күй сыйлады.

Сондай-ақ, Тәуелсіздік мерекесімен қатар келген мектебіміздің 4 жылдық мерейтойы аталып өтті.

Мектеп директоры Нұрлан Бахадүрұлы Мырзатаев және қадірменді қонағымыз, ата-аналар кеңесінің төрағасы Маханбетәлі Тастанбеков мерейлі мерекемен құттықтап,  білім беру саласына қосқан үлесі, жас ұрпаққа білім мен тәрбие беру жолында сіңірген еңбегі үшін  ұлағатты ұстаздарымыздың кеудесіне  төсбелгілер тағып, Құрмет грамотасымен  және Алғыс хаттармен марапаттады.   

Құрметті ұстаздар, марапаттарыңыз құтты болсын!

Тәуелсіздігіміздің тұғыры биік, халқымыздың еңсесі жоғары, егемендігіміз баянды болсын!