«ЕЛІМНІҢ БАҚЫТЫН ТЕРБЕТКЕН ТӘУЕЛСІЗДІК»...

«ЕЛІМНІҢ БАҚЫТЫН ТЕРБЕТКЕН ТӘУЕЛСІЗДІК»...

Тәуелсіздіктің 30 жылдығы аясында №130 жалпы орта білім беретін мектепте «Елімнің бақытын тербеткен тәуелсіздік» тақырыбында мерекелік іс-шара өтті. Жиынға жиналған көпшілік өнер тұнған балалардың ұлы мерекеге жасаған тартуын тамашалады. Егемендік - бірліктің, ынтымақтастық пен татулықтың белгісі екеніне тағы да көз жеткізді.

Мемлекетіміздің Тәуелсіздігі – ең алдымен халқымыздың бақыты, ұлтымыздың ұлы мұраты. Мектеп директоры Нұрлан Бахадүрұлы Мырзатаев және ата-аналар кеңесінің төрағасы Маханбетәлі Тастанбеков көпшілікті мерейлі мерекемен құттықтады.

Мереке марапаттау рәсіміне ұласты. Білім ошағының дамуына ат салысқандардың бірқатары марапатталып, арнайы сый-сияпаттар табыс етілді. Сонымен қатар, жыл үздіктері де анықталып, құрмет төрінен көрінді. Тәуелсіздікті ту еткен жастар түрлі өлең-шумақтарын тарту етіп ,әуезді әндер айтылып, бишілер мың бұрала би биледі.

Айта кетейік , білім ошағында биыл мерейтой. Өйткені тәуелсіздікпен тұспа тұс келген 4 жылдық қуанышты мектеп ұстаздары ерекше атап өтуде. Бұл жолда он саусағынан өнер тамған мектеп оқушылары түрлі қолөнер бұйымдарын жасап, арнайы көрме өткізіп жатыр.