«№130 жалпы орта мектепте қамқоршылық кеңестің мүшесімін ғой, директоры Нұрлан Баһадүрұлынан жиі отчет алып тұрамыз. Бірақ, ағай кеше осы кеңес мүшелерін түгел шақырып, ресми түрде жылдық есеп берді.

Шымкенттегі «№130 жалпы орта мектепте қамқоршылық кеңестің мүшесімін ғой, директоры Нұрлан Баһадүрұлынан жиі отчет алып тұрамыз.

Бірақ, ағай кеше осы кеңес мүшелерін түгел шақырып, ресми түрде жылдық есеп берді. Баяндамасы, слайды бәрі бар, бәрін тарқатып шықты.

Енді бұл мектептегі өзекті деген мәселені де білеміз. Артықшылығын да білеміз. Мектеп директоры Н.Мырзатаевпен ата-ана болып бір мақсатқа жұмыла алуымыз ең басты жетістігіміз десем де болады.

Есеп беру жиынында Нұрлан Баһадүрұлы мектеп оқушылары мен мұғалімдерінің осы жылғы жетістіктеріне тоқталды. Мектепке бөлінген қаржының игерілуі мен әлеуметтік жағынан аз қамтамасыз етілген отбасынан балаларына көрсетілген көмек, мектептің материалдық жабдықталуы сынды бірқатар шаруаның жайын баяндады.

Біз ата-аналар тарапынан көтерілген бірқатар сұрақтарды қойдық. Кейбірінің шешіміне өзіміз де атсалысатын боламыз. Директор жақында #Nur_Otan партиясынан Шымкент қалалық мәслихатының депутаттығана өткен Nursultan Balabiyevтің келгенін, мектеп алдындағы тротуарға демеуші болуға уәде бергенін айтты.

Осы орайда, өтінішімізді қараусыз қалдырмаған Әбдез Рахманұлы ағама алғысымызды білдіреміз.

Сосын, жақында ғана қала әкімі Мұрат Әйтеновтың бастауыш сыныптарды 100% ыстық тамақпен қамту туралы мәлімдемесі тарады ғой, Жүз Отызыншы Мектепте бұл бағыттағы дайындық жұмыстары туралы да естіп-білдік. Қаржы қаралған. Енді 1500-дей баланы толық қамтуға орын мен уақыт тәртіпке қойылып жатыр екен.

Біз мектеп директорының есебіне оң баға бердік. Сосын қамқошылық кеңес төрағасы Абдрашид Айнабек ағамыз мұрындық болған мерекелік іс-шараға қатыстық. Мектептегі қамқоршылыққа алынған бүлдіршіндерге Аяз ата мен Қарша қыз мерекелік тәттілер ұсынып, мерекелік көңіл-күй сыйлады.