02
декабрь
2021
Марапат құтты болсын! Алар асуларыңыз, бағындырар шыңдарыңыз биік болсын!
"ТӘУЕЛСІЗДІК ҰРПАҒЫ" ЖӘНЕ "ЖАС ВОЛОНТЕР" ЖОБАЛАРЫ АЯСЫНДА МАРАПАТТАУ КЕШІ ӨТТІ
Шымкент қаласы ішкі саясат және жастар істері жөніндегі басқармасының ұйымдастыруымен Қазақстан Республикасы Тәуелсіздігінің 30 жылдық мерейтойына орай және Тұңғыш Президент күніне арналған "Тәуелсіздік ұрпағы" жобасы аясында Тәуелсіздік құрдастары мен тәуелсіздік жылдарында жетістікке жеткен бірқатар жастарды және "Жас волонтер" жобасы аясында жеңімпаз атанған волонтерлік топтарды марапаттау рәсімі өтті.
Марапаттау рәсіміне Шымкент қаласы ішкі саясат және жастар істері жөніндегі басқарма басшысының міндетін атқарушы Шотанов Мұратжан Шүкірханұлы және Шымкент қаласы "Жастар ресурстық орталығы" КММ-нің басшысы Айтбаев Ерлан Садырбайұлы арнайы құттықтап, "Тәуелсіздік ұрпағы" жобасы аясында Тәуелсіздік құрдастары мен тәуелсіздік жылдарында жетістікке жеткен жастарды алғыс хатпен марапаттады.
Осы мерекелік іс-шарада Тәуелсіздік жылдарында еліміздің дамуына қосқан үлесі үшін мектебіміздің жас маманы, ағылшын тілі пәнінің мұғалімі Әбді Рабиға марапатталды.
Марапат құтты болсын! Алар асуларыңыз, бағындырар шыңдарыңыз биік болсын!