Құттықтаймыз!!!

КУРС ТЫҢДАУШЫЛАРЫНА СЕРТИФИКАТТАР ТАБЫСТАЛДЫ

        «Өрлеу БАҰО» АҚ Түркістан облысы және Шымкент қаласы кәсіби даму институтында 13.05-24.05.2024 ж. аралығында барлығы  Түркістан облысы және Шымкент қаласы бойынша 54 топ - 1486 педагог  кәсіби құзыреттіліктерін дамытып, шеберліктерін шыңдады. 

     Педагогтер біліктілікті арттыру курстарында  өз қызметін нәтижелі атқаруы үшін және кәсіби деңгейін көтеру мақсатында арнайы оқу бағдарламаларын меңгеріп, өз білімдерін жетілдірді.   

     Курс тыңдаушыларының білім беру бағдарламаларын табысты игеріп, курсты сәтті аяқтауына орай, сертификаттарын  табыстадым. 

     Педагогтер өз қоржындарына қажетті білім азығын жинақтап, курс барысында игерген жаңа білімдерін  тәжірибеде тиімді пайдаланып, білім сапасын арттыруда үлкен үлестерін қосатынына нық сенімдімін.  Ұстаздарға шығармашылық табыс, сәттілік тілеймін.