МҰҒАЛІМНІҢ КӘСІБИ ҚҰЗЫРЕТТІЛІГІ – ОҚЫТУ САПАСЫН АРТТЫРУ КЕПІ

#130_мектеп 

МҰҒАЛІМНІҢ КӘСІБИ ҚҰЗЫРЕТТІЛІГІ – ОҚЫТУ САПАСЫН АРТТЫРУ КЕПІЛІ

     Мектептің әдістемелік жұмыс жоспарына сәйкес қысқы каникул күндері аясында «Мұғалімнің кәсіби құзыреттілігі – оқыту сапасын арттыру кепілі»  атты семинар жоспарға сай өз жалғасын тапты.  

 Семинар барысында ағылшын тілі пәні мұғалімдері Куттибаева Гулнур Эсенгелдиевна, Жанаева Ұлданай Жамбылқызы, Желдібаева Айгуль Лесбекқызы құрастырған «Мектептегі ағылшын тілі пәнін оқытудың қазіргі замандық әдістемесі» әдістемелік көмекші құралының таныстырылымын жасады. 

Әдістемелік көмекші құралды шығарудың басты мақсаттары:

-тәжірибе барысында жиналған әдіс-тәсілдермен бөлісу; 

-  сөздерді оңай жаттап алу жолдары; 

- ағылшын тілі грамматикасындағы және фонетикасындағы күрделі тақырыптарды оңай ойын түріндегі әдіс-тәсілдермен үйрету; 

-   мағынасын түсіну және жатқа білу қиын болған мақал-мәтелдерді қазақша, орысша аналогтарымен бірге оңай әрі тез жаттап алу жолдарын уйрету. 

Бұл көмекші құралда мақал мәтелдердің тіл үйренудегі маңыздылығы, мақал-мәтел арқылы қиындық тудыратын грамматика ережелерін меңгерін оңай түсіну жолдарын көрсеткен. Сабақ барысында фонетикалық, тілдік, грамматикалық, орфографиялық, тыңдалым бойынша ойындар арқылы оқушыға түсінікті және қолжетімді етіп жеткізу мысалдары берілген. Көмекші құрал ағылшын тілі пәні мұғалімдері үшін өте пайдалы, маңызды мағлұматтармен қамтылған. 

Қысқы каникул аясында ұйымдастырылған семинар өз мәресіне жетті.  Семинар барысында педагогтер өзара әдіс  алмасып,  үздік тәжірибелер таратылды. Қатысушылар тарапынан кері байланыс жасалып, ұйымдастырушыларға алғысын білдіріп, оң пікірлер айтылды.