21
февраль
2023
Семинарға Астана, Шымкент қалаларының, Шығыс Қазақстан, Қостанай, Жамбыл облыстары
2023 жылдың 17 ақпанында Қазақстан Республикасының Оқу-ағарту министрлігі Ыбырай Алтынсарин атындағы Ұлттық білім академиясының ұйымдастыруымен «Білім және ғылым жүйесін жаңғыртудың ғылыми негіздері» НҚБ аясында «Орта мектептегі бейіндік оқыту: тәжірибе және перспективалар» республикалық семинары өтті.
Семинарға Астана, Шымкент қалаларының, Шығыс Қазақстан, Қостанай, Жамбыл облыстарының орта мектептерінен бейіндік оқыту моделін сынақтан өткізуге қатысатын 25 білім беру ұйымдарының басшылары қатысты.
Семинарға қатысушылар орта мектепте әзірленген бейіндік оқыту моделін, білім алушылардың бейіндік бағытын ерте анықтаудың маңыздылығын, элективті курстар бағдарламасының жаңа дизайнын және әзірленген моделді жетілдіру бойынша ұсыныстарды талқылады.
Мектептегі бейіндік жұмысты жоспарлау мәселелері, сондай-ақ білім алушылардың білім алу қалауларын анықтауға арналған құралдар семинардың тәжірибеге бағытталған бөлігінде орын алды.
Аталған семинарға мектеп директорының оқу жұмысы жөніндегі орынбасары А.М.Болганова қатысып , сол мәселелер жөнінде пікір алмасып, өз ойларын ортаға салды.
Семинарды қорытындылай келе, әртүрлі бағыттар бойынша бейіндік оқыту моделін іске асыратын ұйымдар қауымдастығын құру ұсынылды.
