15
май
2023
15 мамыр күні «Адалдық - парасаттылық» тақырыбында TEDX форматында кездесу ұйымдастырылды.
Шымкент қаласы білім басқармасының Қосымша білім беру оқу салалық орталығының №440 хаты негізінде Сыбайлас жемқорлықтың жоспарына сәйкес Шымкент қаласындағы №130 жалпы орта білім беретін мектебінің тарих әдістемелік бірлестігінің ұйымдастыруымен 15 мамыр күні «Адалдық - парасаттылық» тақырыбында TEDX форматында кездесу ұйымдастырылды.
11 сынып оқушыларының қатысуымен өткен жиынға қонақ ретінде Шымкент қаласының жас кәсіпкерлері, TikTok әлеуметтік желісінің блогерлері Айтуганов Қуандықби мен Тоқа Айша шақырылды.
Шара мақсаты: оқушыларға болашақ мамандығын дұрыс таңдай білуге бағыт-бағдар беру, адалдықты дағды еткен, белгілі бір еңбек, кәсіби іс-әрекет саласына еніп, нақты көзқарас қалыптастыруына жағдай жасау.
Кездесу барысында жас кәсіпкерлер өздері туралы қысқаша әңгімелеп, жетістікке жету жолдарымен бөлісті. Жетістікке жету жолында ең бастысы адалдық, үздіксіз ізденіс және еңбек екендігін айта келе, парасатты қоғам құрылу үшін осы қағидаларды негізге алу керектігіне тоқталды. Кәсіптің көзін тауып, кез-келген бастаманы сәтті жолға қоюдың тетіктерін айтып берді. Сонымен қатар, оқушылар тарапынан қойылған сұрақтарға жауап беріп, бастарынан өткен қызықты оқиғаларын ортаға салды.