"Эмоционалдық интеллект - педагогтің кәсіби міндеттерін шешу құралы" тақырыбындағы біліктілік арттыру курсы

Бүгінгі күн, қазіргі сәт – кеңейтілген мүмкіндіктер алаңы, себебі білімнің қай түрін болса да игеріп қажетіне жаратуға көбі қауқарлы. Осы тұста қынжылтатын дүние сол білімнің қаншалықты пайдалы іске жұмсалып, адамның рухани дамуына өзіндік үлесін қосып жатқанында. Білімнің рухани жұтаң ессіздік, өзгенің қаңсығына еліктегіштік, оңы мен солын ажырата алмастай сауатсыздық жаппай белең алып жатыр. Бұл – өмірге балта шабар қасіретті құбылыстар, себебі ақыл мен ар-ұят бірлесе әрекет етпесе, көптеген қиындық туындайды. Осы құбылыстардан бала өмірін сақтау, балаға тура жолды нұсқау – қоғамдағы әрбір азаматтың міндеті, әсіресе, бала тәрбиесімен айналысатын жауапты тұлғалардың бұл мәселе көз жұма қарауы мүмкін емес. Мен №130 ЖОББМ директордың тәрбие ісі жөніндегі орынбасары Қалаубаева Балнұр Алтынбекқызы  «Эмоционалдық интеллект – педагогтің кәсіби міндеттерін шешу құралы» тақырыбындағы біліктілік арттыру курсында тренер Тажиева Жанат Арысбекқызы арқылы мұғалімдік міндеттің жүгі мен маңызын одан әрі түйсініп, жауапты қызметтегі міндетімнің ар мен болашақ алдында қаншалықты қажетті екеніне көзім жетті.
  Міне сол үшін барымыз да, нарымыз да жүректегі байлық, кеудедегі нұр болуы керек. Кітапты сүйіп оқитын, керегін алатын, рухани сырлы сұқбаттарды көңілге түйетін, тілазарлықтан аулақ болып, жақсылыққа жаны құмар болатын азаматты алдыма келген әр шәкірттің бойында тәрбиелегім келеді. Себебі нағыз кедейлік – ақшаның  жоқтығы  емес,  нағыз кедейлік – рухани кедейлік.