#әкелер_мектебі 

Шымкент Қаласының Әдістемелік Орталығы 

#ШымкентҚаласыныңБілімБасқармасы 

ӘКЕНІҢ ТӨРІНЕ СЕНБЕ, ЕТКЕН ЕҢБЕГІНЕ СЕН

2021 жылдың 12 қарашасы күні «Әкелер мектебі» жоспары аясында «Әкенің төріне сенбе, еткен еңбегіне сен» тақырыбында кездесу ұйымдастырылды. 

Кездесуге ата-аналар комитетінің төрағасы Тастанбеков Маханбетәлі ағай, тәжірибелі ұстаз Маханбетов Алданазар ағай, мектеп директоры Мырзатаев Нұрлан Бахадүрұлы,  Қамқорлық кеңесі мүшелері және  9-11 сыныптың  ұл балалары қатысты. 

Іс-шара барысында М.Тастанбеков әке мектебінің маңыздылығына, қазақ отбасында әке орнының ерекшелігіне, бала бойындағы жақсылы-жаманды қасиеттерін байқаса, қазақ оны ең бірінші әке мен ата тәрбиесінен көріп, тегіне тартқан дейтіндігін, әкесінің баласына қалдырған ең үлкен мұрасы – оның жақсы тәрбиесі екендігін, ал әке мектебінен өткен бала сол мұраға қиянат жасамауға тырысқандығы туралы айтып өтті. 

Шара барысында қатысушылар баланы дұрыс бағытқа бағдарлау көп жағдайда абыройлы әкеге, үлгілі отағасына, қадірлі ағаларына  тікелей байланысты екені жайлы және ұл бала – қазақта шаңырақ иесі, ер-азамат – ата-ананың отын тұтатушы болып саналатынын,  әр шаңырақта әкенің орны ерекше екені айтылды.

Сонымен қатар, әке – отбасының асыраушысы, отбасы мүшелерінің тірегі, қамқоршысы. Әкенің мінез – құлқы, өзгелермен қарым – қатынасы, өнері мен білімі – баланың көз алдындағы үлгі, өнеге алатын, оған қарап өсетін нысанасы. Отбасының пейіл – береке, ынтымағы үшін отағасының әділ, ұстамды болуы орасан маңызға ие. Оның тәрбиелік рөлі де зор. Ер бала әкесімен сырлас, жолдас, дос. Ол әрқашан бір әрекет жасау үшін әуелі әкесімен сырласады. Ер баланың өсіп, жетіліп, өз алдына жеке тұлға болып қалыптасуына, қоғамдағы өз орнын дұрыс табуына әкенің атқарар еңбегі ерекше. Қазақ халқында «Бір бала бар – атадан өте туады, бір бала бар – кері кете туады» деген тұжырымға, баланың қандай болмағына негіз қалайтын да әкенің өзі екеніне көз жеткізді.

Кездесу нәтижесінде мектеп оқушылары өз ойларын айтып, сұрақтарына тұшымды жауаптар алды.