“Спорт – денсаулық кепілі” апталығы аясында ашық сабақ

Қызықты сабақ – дене қозғалысы мен ой белсенділігі ұштасқан сәт!

“Спорт – денсаулық кепілі” апталығы аясында 25 сәуір күні 2 “А” сыныбында дене шынықтыру пәнінің мұғалімі О.Шәуеш “Қозғалмалы ойындар” тақырыбында ерекше әрі мазмұнды ашық сабақ өткізді.

Сабақтың басында оқушылар мұғаліммен бірге дене қыздыру жаттығуларын орындап, бой сергітті. Қозғалмалы ойындар барысында балалар тек дене белсенділігін арттырып қана қоймай, зейіндерін, ойлау қабілеттерін де дамытты.

Ерекше атап өтетін жайт – ашық сабақта математика пәнімен сабақтастық та көрініс тапты. Оқушылар қозғалыс барысында математикалық есептер шығарып, білім мен қозғалысты қатар үйлестіре білді. Бұл оқушылардың қызығушылығын арттырып, сабақты одан әрі жандандыра түсті.

Сабақ өте қызықты әрі әсерлі өтті. Осындай шығармашылықпен ұйымдастырылған сабақтар оқушылардың жан-жақты дамуына үлкен ықпал ететіні сөзсіз. Ұстазға алғыс білдіреміз!
#ШымкентқаласыӘдістемеорталығыДенешынықтыруапталығы