“Спорт – денсаулық кепілі” апталығы аясында спорт чемпиондарымен кездесу

Ұлттық рухтың жарқын көрінісі – чемпиондармен кездесу!

“Спорт – денсаулық кепілі” апталығы аясында мектебімізде жамбы ату мен көкпардан еліміздің мақтанышына айналған спорт шеберлерімен тағылымды кездесу өтті. Кездесудің құрметті қонақтары — Дарын Өткелбай, Батыр Бексауыт, Жарылқап Елдар, Ералхан Айкөз, Сарыбай Айтбек сынды ұлттық спорттың хас шеберлері болды.

Қонақтар оқушылармен өз спорттық жолдарымен бөлісіп, жамбы ату мен көкпардың қыр-сыры, маңызы туралы әсерлі әңгімелер айтты. Чемпиондар өздерінің жеңістерімен де бөлісіп, оқушыларға жігер мен мотивация сыйлады. Атап айтсақ:
 • Дарын Өткелбай – аударыспақтан республикалық чемпионаттың бірнеше дүркін жеңімпазы;
 • Батыр Бексауыт – көкпардан халықаралық жарыстардың жүлдегері;
 • Жарылқап Елдар – ұлттық құрама сапында өнер көрсеткен тәжірибелі көкпаршы;
 • Ералхан Айкөз – жас жамбы атушылар арасындағы үздік нәтиже иегері;
 • Сарыбай Айтбек – жамбы атудан бірнеше дүркін әлем чемпионы, спорт шебері.

Кездесу өте әсерлі өтті, оқушылар чемпиондарға қызығушылықпен сұрақтар қойып, ұлттық спортқа деген сүйіспеншіліктерін білдірді. Мұндай шаралар өскелең ұрпақтың бойында отансүйгіштік пен ұлттық рухты қалыптастыруда маңызды рөл атқаратыны анық.

Ұйымдастырушылар мен құрметті қонақтарға шексіз алғыс! Ұлттық спорт – ұлттың айбыны!
#ШымкентқаласыӘдістемеорталығыДенешынықтыруорталығы