"Оқуға құштар мектеп" жобасы "Балалар кітапханасы" бағдарламасы аясында

Шымкент қаласы білім басқармасына қарасты №130 жалпы орта білім беретін мектеп кітапхана қорына "Оқуға құштар мектеп" жобасы "Балалар кітапханасы" бағдарламасы аясында жаңа көркем әдебиеттер келіп түсті.20.11.2023 ж күні мектеп кітапханасында "Д. Алдиярова мен М.Момбекованың ұйымдастыруымен "Танысыңыз жаңа кітаптар" атты кітап көрмесі ұйымдастырылды. Кітап көрмесінің мақсаты: Оқушылардың оқу мәдениетінің деңгейін және олардың оқу белсенділігінің өсуін арттыру, жас ұрпақ бойында азаматтық, рухани-адамгершілік құндылықтарды қалыптастыру.Кітап көрмесі оқырмандардың жас ерекшелігіне қарай 3 бөлімнен тұрады. 1 бөлім 6-11 жастағы оқырмандарға арналған. Көркем суреттермен безендірілген тәрбиелік мәні зор ертегілер. Бала тіліне  лайықты,ойыны қонымды өлеңдер мен жаңылтпаштар, баланың ойына,қиялын дамытатын жаңа кітаптар орын алған. Кітап көрменің екінші бөлімінде 12-15 жасөспірім оқырмандарға арналған шытырман оқиғалар, қазақ балалар әдебиеті классиктердің көркем,әлем әдебиетінің үздік шығармалары қойылған. Көрменің үшінші бөлімі 16-18 жас тағы оқырмандар мен ұстаздарға арналған. Тәуелсіз еліміздің жастарын төзімділікке, табандылыққа, еңбекқорлық пен ұлтжандылыққа тәрбиелейтін көркем әдебиеттер,оқырмандар назарына ұсынылған.