«Педагогтің кәсібилігі және үздіксіз дамуы» тақырыбында әдістемелік сағат өтті

#130_мектеп

«Педагогтің кәсібилігі және үздіксіз дамуы» тақырыбында  әдістемелік сағат өтті

Мектептің  шығармашылық тобының жоспарына сай  «Өрлеу» БАҰО» АҚ Ф Түркістан облысы және Шымкент қаласы бойынша ПҚБА институтымен бірлесе отырып  «Педагогтің кәсібилігі және үздіксіз дамуы» тақырыбында әдістемелік сағат ұйымдастырылды. 

Іс-шара барысында  «Әдіснама  және  педагогикалық  инновация» кафедрасының аға оқытушысы Нурлыбаева Жанат Лесбековна  жас мамандарға оқу бағдарламасының маңыздылығын айқындау және оқыту үдерісін жақсартудағы стратегияларды тәжірибеде  қолданудың  тиімді жолдарын қарастыру мақсатында  оқушылардың оқу-танымдық іс-әрекетіне бағытталған  бағалау тапсырмаларын құрастыру бойынша оқыту семинарын өткізді.

Осы іс-шарада кең ауқымды дағдылардың негіздерін меңгерген оқушы тұлғасының үйлесімді қалыптасып, дамуына ықпал ететін қолайлы білім беру ортасын құрудың  тиімді жолдары қарастырылды. Сонымен қатар, оқу мақсаттарына бағытталған бағалау тапсырмалары негізінде оқушылардың оқудағы болжалды нәтижелері («біледі», «түсінеді», «қолданады», «талдайды», «жинақтайды», «бағалайды»)  жүйеленді.  

Оқыту семинарына қатысқан мұғалімдер жеке пәндерді оқытудағы өзекті мәселелерді талқылады және дағдылардың кең шоғырына негізделген үлгілік оқу бағдарламаларының мазмұны аясында тәжірибелік жұмыстарға белсенді қатысты.   

Іс-шара соңында директордың оқу-әдістемелік жұмысы жөніндегі орынбасары А.Болганова «Өрлеу» БАҰО» тренері Жанат Лесбекқызына  жас мамандар үшін құнды ақпараттармен бөліскені үшін алғысын білдіріп, алдағы уақытта да бірлесіп жұмыстар жүргізсек деген ұсыныс білдірді. 

Семинарға қатысқан мұғалімдер де кері байланыс жасап,  ұсынылған оқытудың тиімді әдіс-тәсілдерін  өз тәжірибесінде қолданатындықтарын айтып, ұйымдастырушыларға алғыстарын білдірді.