02
апрель
2021
«Қазіргі мұғалім бейнесі»
#шымкентәдістемелік_орталық
ҚАЗІРГІ МҰҒАЛІМ БЕЙНЕСІ
2021 жылғы 31 наурыз күні директордың оқу жұмысы жөніндегі орынбасары А.Болганова мен шығармашылық топ мұғалімі М.Бейсееваның ұйымдастыруымен «Жас мамандар клубы» жұмысының жоспары аясында «Қазіргі мұғалім бейнесі» тақырыбында дөңгелек үстел өткізілді. Іс-шара мақсаты:
• Қазіргі білім беру саласындағы оқытудың озық технологияларын меңгерген заманауи мұғалім бейнесі туралы мұғалімнің ой пікірі, көзқарастары мен ХХІ ғасырдағы мұғалім қызметіндегі басымдықтармен танысу
• Жас мамандардың практикалық және теориялық білімдерін жетілдіру, олардың педагогикалық шеберлігін арттыру мәселелері бойынша тәжірибелік көмек көрсету.
• Жас педагогтің кәсіби өсуіне және шығармашылық дамуына жағдай жасау.
Дөңгелек үстел барысында жас мамандар «мұғалім ұстанымы», «педагогикалық этика», «ХХІ ғасырдың нағыз ұстазы қандай болу керек?», «Қай ғасыр болмасын, мұғалімнің орны тақтан биік!» тақырыптарын ортада талқылап өз ойларын білдірді. Нәтижесінде мұғалім бейнесінде тәуекелшіл, психолог, білікті педагог, көшбасшы, заманауи технологияны меңгерген, рухани бай, әмбебап мұғалім, интеллигент және т.б. қасиеттер болу керек екенін түсінді.
