«Абай әлемі – отбасы құндылығының темірқазығы» тақырыбында іс шара

Шымкент қаласы  әкімдігінің бастамасымен  Абай Құнанбайұлының  180 жылдығына орай «Абай күнін» ресми және мазмұндық тұрғыдан «Отбасы күні» мерекесімен кіріктіре отырып,  «Абай әлемі – отбасы құндылығының темірқазығы»  тақырыбында   15 мамыр күні   сағат 10.00-де Нұрсат аллеясындада  №80,130,132 мектептердің  ұйымдастыруымен  «Абай әлемі – отбасы құндылығының темірқазығы» атты қалалық іс-шара өтті. Жиынға Шымкент қаласының мәслихат депутаты   Имашев Қайрат Есенбекұлы  және қазақтың айтыскер ақыны Карима Оралова, ата-аналар комитетінің төрағасы Рахымбердиева Жамал, қамқоршылар кеңесінің төрағасы Маханбетов Сәкен Жақсыбекұлы қатысты. Аталған іс-шара бір мезгілде қаланың 160 мектебінде, сондай-ақ 20 мәдени-демалыс аймағы мен саябақтарда ұйымдастырылды. 1-сыныптан 11-сыныпқа дейінгі мектеп оқушылары, ата-аналар, ұстаздар, ардагер педагогтар, зиялы қауым өкілдері, шығармашыл жастар мен қала тұрғындары қатысты. Жалпы іс-шараға  Нұрсат аллеясында ата-аналар, мұғалімдер, оқушылар 500-ге  жуықтады.
 Қатысушылар Абай Құнанбайұлының шығармаларын поэтикалық-музыкалық композициялары мен театрландырылған қойылымдар көрсетіп, қолөнер  көрмесі қойылып, ұлттық ойындар ұйымдастырылып, Абайдың өлеңдері мен қара сөздерін жатқа айтып, өз өнерлерін паш етті. Мектебіміздің «Даналық мектебінің» әжелер алқасыда өз үлестерін қосты.
Шымкент қаласы Білім басқармасының ұйымдастыруымен өткен бұл іс-шара қала тұрғындарына ерекше рухани серпін мен жоғары көңіл-күй сыйлады. Шығармашыл жастар мен тұрғындар отбасы құндылықтары мен ұлттық рухты ұлықтау жолында белсенділік танытты.
         Айта кетейік, бұл бастама – отбасы институтын нығайту, ұрпақтар сабақтастығын сақтау және Абай мұрасын жас ұрпаққа кеңінен таныту мақсатында ұйымдастырылды. Мұндай тағылымды шаралар алдағы уақытта да тұрақты түрде өтіп, қоғамның рухани дамуына оң әсерін тигізе бермек. 
#Абайотбасында
#Abai180