«Оқуға құштар мектеп» жобасы аясында 9-сынып оқушыларының қатысуымен «АБАЙ. КИТАБ ТАСДИҚ» кітабының авторы, абайтанушы, М.Әуезов атындағы Оңтүстік Қазақстан университетінің «Мұхтартану» ғылыми орталығының жоғары білікті маманы Әзімхан Исабекпен кез

#130_мектеп

   «Оқуға құштар мектеп» жобасы аясында 9-сынып оқушыларының қатысуымен   «АБАЙ. КИТАБ ТАСДИҚ» кітабының авторы, абайтанушы, М.Әуезов атындағы Оңтүстік Қазақстан университетінің «Мұхтартану» ғылыми орталығының жоғары білікті маманы Әзімхан Исабекпен кездесу болып өтті. 

   Әзімхан Исабек елімізге белгілі ғалымдар,  филология ғылымдарының докторы Мекемтас Мырзахметұлы мен Ақжол Қалшабектердің жетекшілік етуімен Абай атамыздың шығармашылығын зерттеумен айналысып,  Хакім Абайдың «отыз сегізінші қара сөзі» аталып келген «Китаб тасдиқ» атты шығармасын қазақ әдебиеттану ғылымында тұңғыш рет шағатай тілінен транскрипциялап, ұлы Абайдың 175 жылдық мерейтойы аясында, яғни, 2020 жылы «Абайдың «Китаб тасдиқ» шығармасы», «Абай. Китаб тасдиқ» атты кітаптарды жарыққа шығарған.  

    Кездесу барысында қонағымыз бүгінде жастарымыздың жаңаны танып-білуге деген құштарлығы, білім-ғылымға бет бұрғаны қуантатынын айта келе, ойшыл Абай, рухани білімді әлем заңдылықтарының негізгі қайнар көзі ретінде ұсынды. Кемеңгерді кеңірек таныту, оның жүрегіне терең бойлау, қазақ баласы үшін рухани тәрбиемен сусындаудың негізгі жолы екендігіне тоқталып өтті. 

   Жас та болса талайларға үлгі болар қонағымыз Әзімхан Исабектің шығармаларымен, рухани әңгімесіне  оқушыларымыз қызығушылық танытып, авторға өз көкейлерінде жүрген біршама сұрақтарын қойып, пікір алмасты. 

    Мектеп директоры Нұрлан Баһадүрұлы ұлы Абайдың асыл мұрасын жастарға насихаттап жүрген қонағымызға алғысын айта келе, бұл кездесудің біздің шәкірттеріміз үшін құнды екендігіне тоқталып, өз ризашылығын білдірді. .